Avus Saliva

Sex mit Alex

Du, Alex, I muas da wos sogn: I wü mit dia ins Bett!
Ob gescheid long oda kurz oda glei is gonze Set;
i mog di heaziagn zu mia und zwa Stund mit dia schmusn,
du passt zu mia wia a Kathetn zur Hypothenusn.

I mans eanst, I find di schee. I mog deine Hoa.
Und du wiast seng wia guat des is, won i duach se duach foa.
Und donn üba dein Nockn, über den I sonft streichel,
und donn fest onpockn, während i dia nu schmeichel.

In Ruckn owi zu deim geilen Oasch, jo des wa‘s,
und donn fohr i noch vorn, weil I was, des mocht di haas.
Und i was, fia wen ondan klingat des woi banal,
oba mia gustert‘s noch deim Schritt, noch deim Genital.

Donn druck I di zum Bodn und foi üba di hea,
weil i a jede emfpindliche Stö on deim Köapa begea,
die wead i massian und streichln und liebkosn,
und di erst won i wü endlich komma lossn.

Und donn wieda und wieda und die gonze Nocht,
und so hob i di mit de Orgasmen um dein Vastond brocht.
Oba do hean mia net auf, es gibt nu vü zum dua,
I hätt a nu des ane oda ondane Spüzeig dazua.

Vielleicht, jo, vielleicht samma versaut,
wonn auf amoi a Finger in die Rektalhöhle schaut.
Oda wast, probia ma heut moi die ganze Hand,
und ob es di geil mocht bin i scho recht gsponnt.

Heit, heit geht’s nur darum, dass es uns guat geht,
und wia mochn wos ma woin, a wonns die Gsöschoft verschmäht.
Wir fickn und rammln und vögeln und keksn,
und won d‘Sun auf geht und wieder unter - so lossn wia uns net hetztn.

I sog das, Alex, wia kean heid nu zom, unsane Köapa soin vaschmözn.
Wia soitn uns die gonze Woch nu im Bett harum wözn.
Bis ma schnaufn und schwitzen und Körperflüssigkeit spritzn,
und donn aufanond liegn uns onanond schmiegn.

Nur, jetzt wundat mi oba schon,
wos denkt denn eigentlich is Publikum davon?
Weö auf a spezielle Soch bin i oag gsponnt:
Sogts, woa „Alex“ jetzt fia eich a Frau oda a Monn?

Hobts eich grod im Kopf zwa Monna voagstöht,
oda woas Frau & Monn, weil „so is auf da Wöd“?
Oda was fia eich schlimm? Hot wea on zwa Frauen docht?
Weil i hob die Gschicht extra komplett ohne Geschlechta gmocht.
Ois Monn hob is hoit glesn, do konn i net vü ändern,
weil mi oissa Person kon i net weggendern.

I frog mi hoit scho seit longem so Sochn,

warum’s in Gedonken immer die normalen Menschen mochn.
Weil „normal“, oiso hetero, wan jetzt schon über 95 prozent

und homos und bis und trans is da Mensch hoit net gwehnt.

Des wa a okay, donn is des hoit die Norm,
oba deswegen sand (*rechnend* 5% von 7Mrd….) 350 Millionen Leit nu net gstorbn.

Oda sowas ois „grauslich“ und „vaboten“ zu deklarian.

Leit die sowos sogn kunnt i in Grobn fian.

Da Sex gfoit a jedm und jeda konns mochn.
Und jeda konns gean hobn, oll die versautn Sochn,
die eh jeda mocht und es is wuascht wos fia a Geschlecht,
oda wos fia a Gender oda wos fia a Orientierung, is mia a recht.

Die Soch is hoit de; vielleicht aweitan wia unsane Grenzen,
vielleicht denk ma weita und begrobn unsare Diffarenzen.
Vielleicht sog ma „I hob des gean“ und des is okay.
und wos a ondana mog in da Hautevolee

oda in ana Gossn, in am Flugzeig, des is mia doch blunzn.

I man; wos ana im Bett mocht, soit den ondan net hunzn.

I sog; solong ma net dabei is soit jeda sogn: is mia analei,
und eich, liebe Kinda, frog i: sats es do dabei?